To Do list for 2009 Summer

Lots of thing to Read amd Play !

انتهت اختباراتي اخيرا … العطلة رسميا بدات 😀 ، و خصوصا اني ما نزلت صيفي فا العطلة من اولها لاخرها فاضي ! بعض الاشياء اللي اخطط لها لهذي العطلة :

  • ارتياد صالة رياضية ، مرة نحيف ، لكن لياقة -50 ، يغني باخذ تمارين سويدية .
  • تقليل اكل Junk Food و Fast Food ما اقدر 😦
  • انهاء الروايات اللي املكها ، وهي ( و اختفى كل شيء – الاربعة الكبار – جريمة قتل في المعبد – New Moon – الحصن الرقمي )
  • انهاء الالعاب اللي املكها ( The Orange Box – Bioshock – GTA IV – Burnout Paradise )
  • اعادة بعض الالعاب على طور صعوبة اعلى ، MGS4, Killzone 2،Call of duty 4 ، , شوية Trophy hunting لبعض الالعاب ، بالتحديد Little big planet و GTA IV .
  • Get a new Style ! كلوا ثوب وشماغ ، و ما مليت منه ، بالعكس اكشخ ! لكن بحاول اجرب شي اخر .

تقترح على شيء اعمله في هذه العطلة ؟

من تأليف Abdulrahman

Part time blogger, full time Team manager.

7 تعليقات

  1. كأني اشوف مئه عام من العزله؟ ياخي شريتها بس منسده نفسي من قراءتها، احسها بتكون ممله مع اني كنت متحمس لها، ولإنك مو حاطها في الـTo-Do list فأعتقد انك قريتها؟ اذا اي ياليت تعطيني انطباعاتك عنها.

    وشي ثاني هي نيومون، كنت ابي اشتريها من امازون، لكن فضّلت آخذ الجزء الثاني من روايه جوسيب جيرل، بما انها موجهه لشريحه المراهقين والكلمات اقل صعوبه، يعني أخليها بدايتي في القراءه بالانجليزي، عموماً، لاتنسانا من انطباعاتك بعد ماتقراها، كل ما أشوفها في جرير بأغلفتها الروعه ودي آخذ الاصدارات كلهم!

    استمتع بـ واختفى كل شيء، روعه اذا قدرت تهيّء لها الجو المناسب وهو : بآخر الليل وبضوء خافت، وقتها بتدخل فعلاً في الجو. الأربعه الكبار أنصحك تأجلها لآخر روايه، حسيتها ممله شوي، وأيضاً سمعت انطباعات غير جيده عن جريمه قتل في المعبد.

    النيو ستايل انا كنت أفكر في نفس الشي، عدا جزئيه الثوب والشماغ بما اني مالبسهم الا نادراً، واللي استغرب انه الناس يلبسونهم كثير، أبداً مو مريحه بالنسبه لي، بس في حالتك، النيولوك اسهل بكثير من حالتي، فقط البس جينز، وقميص، و سو شعرك سبايكي وهذا نيولوك اسهل منه مافي 😀 ، البلاء فيني اللي انا اصلا البس جينز وقميص ( عدا السبايكي ما أسويه) لكن يمكن اسوي العكس، أصير البس ثوب أكثر 😛

    حاس اني تكلمت كثير، مو بس انت الوحيد اللي يصير فيه اشياء بمنتصف الليل، أنا اصير اتكلم بزياده بعد منتصف الليل 😛

    إعجاب

  2. 100 عام من العزلة ، اذا كنت شاري نفس النسخة اللي املكها فا افضل انك ما تقراها ، قرات 100 صفحة ولا فهمت حاجة ! عيب في الترجمة . ما قدرت اكملها ، وهي الان موجودة زينة في مكتبتي …. بالنسبة لـNew Moon ، انا قرات بان جميع روايات ستيفاني ميير وخصوصا سلسلة Twilight سهلة في القراءة ، عشان كذا شريتها ، ما اقدر على كتب ذات لغة \ مصطلحات \ كلمات وتشبيهات صعبة . روايات Gossip Girl مالقيتها في مكتبة جرير حتى الان .

    و ايوه تقول لي سبايكي ._. ؟ i hate this things ، عشان كذا ضليت عالستايل التقليدي ، يا شلام شلم على الثوب والشماغ ،،، جربت من قبل بناطيل جينز ، غير مريح عالاطلاق + not looking good on me ،،، باجرب بناطيل ثانية ، ما ادري ايش يسموها لول . Shorts i think .

    إعجاب

  3. عقبال الدرجات الزينة.. 😀

    بخصوص سلسلة ستيفاني ميير.. عندي Twilight اشتريتها من جرير من فترة لكن للحين ماقريتها.. لعله يكون ضمن قراءاتي بالإجازة.. وان اعجبني بكمل باقي السلسلة.

    الهارب..! أعانك الله على قراءتها 😦

    مائة عام من العزلة.. قريت تحذيرات كثيرة من أشخاص مختلفين عن النسخه الي عندك ان ترجمتها سيئة جدا جدا.. لقيتها في معرض الكتاب الأخير لكن الحمدلله اني مااخذتها.. بدور النسخة الممتازة منها.

    جريمة قتل في المعبد.. أول ماقريت الاسم رحت اتاكد من كتاب عندي اسمه “معبد الفجر” تلخبطت بين الإسمين.. وتوقعتك ناوي تقرا الي عندي.. لأنه من الأدب الياباني.. قلت زين لقيت واحد ناوي يجرب الروايات اليابانية.. 😀

    واختفى كل شيء.. شريتها من جرير من فترة بسيطة.. ناوي اقراها معك بالإجازة 🙂

    ان شاءالله انك تخلص قائمتك بالإجازة.. 😛

    إعجاب

  4. @ عبدالمجيد : انت صديق فاسد لول .

    @ عبدالله : انا ما قرات Twilight لاني شاهدت الفيلم ، قلت اوكي خلاص انا عارف مجمل القصة فلا داع لقرائتها مرة ثانية ، فا شريت مكملتها New Moon …. رواية الهارب ، لا جيدة ولا سيئة ، عادية .

    و ايوة اسمها جريمة قتل في المعبد لاجاثا كريستي ، نسخة جرير بالطبع ، الادب الياباني ؟ ايوه انا ابقى رواية جيشا لكن للاسف مالقيتها 😦 .

    إعجاب

التعليقات مغلقة.