لست عاشق الالعاب الوحيد في البيت !

اخذت هذي الصورة لأخوي الصغير يوم  جائني و قال لي ” يتفشخر طبعا ” : ختمت TimeSplitters ، طبعا الكلام حدث امس بعد ما الح علي بالطلب بأنه يبقى يلعب TimeSplitters : Future Perfect ( صار له شهر مزعجني ! ) .  طبعا عارضته و هو عارف ليه ” اللعبة تصنيفها M و انا اسمح له لمن الـT فقط ” فقال انت تعاملني كا طفل … الخ ، رزحت تحت الضغط وقلت له رح العبها فكنا بس ! جاني اليوم الثاني ( تقريبا ما اكتلمت 24 ساعة ) وقال لي ختمتها ،،،، انا ( o_O !! ) . صار لي سنة شاريها ومو فاضي العبها ، اصلا يوم لعبتها وصلت المرحلة الثانية ، قتلوني مرة ولا كملتها .. وهو ماشاء الله عليه ختمها في يوم . بصراحة شي افرحني ان اخوي الصغير يلعب ليختم ، مو مثل الكثير من اللي في عمره ، فقط ” حرامي سيارات ”  و ” كورة ” هي معرفتهم الوحيدة ، وياليتهم يختموا الالعاب ! خلاص باجعل اخوي خليفتي في المنتديات والمدونة 😛

نُشرت في
تم تصنيفها عام

من تأليف Abdulrahman

Part time blogger, full time Team manager.

3 تعليقات

  1. نفس الحاله سارت معاي ومع اخوي الصغير …وبالعاده في العاب ما انهيها حتى بعد مده من اللعب واموت بسرعه فيها لكن يفاجأني اخوي بيوم واحد ينهيها!

    قبل مده حملت قناه kid icarus وتعرف اللعبه 2d وقديمه لكنها صعبه بشكل مممم تخيلت الفوز في 3 مرحله شي مستحيل بدون مبالغه ….لدرجه اني قلت خلاص اللعبه ما راح افتحها للأبد .

    لكن بعد مده اذكر عطيت الوي اخواني بعد ما صجوني :p على ايام الامتحانات طبعا لاني كنت اذاكر لأخر سنه وهم مخلصين امتحانات قبلي بشهر >>>اذكر يومها كنت منقهر عليهم انا ادرس وهم يلعبون …بعد يومين تقريبا جايني يقولي اخوي وصلت الجزء الثاني في لعبه القديمه هذي قلت ما في غير كيد ايكاروس اطالع ولا واصل المراحل شبه النهائيه وبعد جم دقيقه جاني وقالي خلصتها@@

    بنضري انا ان الصغار على العكس ما عندهم ضغط العاب ينهونها او مثلا عندهم شغلات مثل النت او الدراسه الكثفه او شيء يلهيهم عن بعض الالعاب فــ اذا مسك لعبه انسى يهدها الا اذا خلصت او اذا لقا شي ثاني يلهيه .

    عقبال ما يخلص MGS4 بيوم واحد P:

    إعجاب

  2. مو مثل الكثير من اللي في عمره ، فقط ” حرامي سيارات “ و ” كورة ” هي معرفتهم الوحيدة
    =================================================

    أخواني بالضبط -_-

    إعجاب

  3. انا اتفق معك اخوي ان الفيديوجيمز متعتها بانك تنهيها وتشوف القصة كاملة…لكن بعض الناس يلعبون ليختمون فقط..بدون ما يحس انه يستمتع باللعبة بس اهم شي يختمها..يعني ليش الالعاب موجودة اصلا؟؟عشان تستانس فيها وتقضي وقتك…يعني اذا اللعبة مليت منها بعد ما لعبت فيها 30 ساعة مثلا وش المشكلة انك تتركها؟؟بعض الناس الله يهديه ماخذ الفيديوجيمز شغله يعني يقول لازم اختم اللعبة هذي اليوم عشان القا وقت العب باللعبة الثانية وزي كذا…مثل التعليق الاول يقول”عندهم ضغط العاب ينهونها”؟؟؟؟غريبين بعض الناس يعني حتى الالعاب ما يستانس عليها…اهم شي انك وانت تلعب اللعبة مستانس بوقتك وتحس انك ما وجك تترك اللعبة ابد…لكن انك تضغط نفسك تقول اليوم بالعب 10 ساعات عشان افتك من اللعبة..؟؟؟اعتقد انك فهمت قصدي وان الفيديوجيمز وجدت للمتعة فقط سواء انهيتها او لا..واللي تقول الناس اللي يلعبون جي تي اي وكورة والالعاب هذي انه مثلا ما عنده ذوق او زي كذا..اعتقد انك ماخذ الموضوع بجدية ..يعني اذا هو ما مل من اللعبة ان شاء الله يلعبها الف ساعة دامه مستانس…….عالعموم اسف عالاطالة بس بغيت اعقب على الموضوع..

    وعلى فكرة البلوج اعجبني جدا جدا الف شكر باين انه متعوب عليه واتمنى التحديث باستمرار وشكرا,,,,,

    إعجاب

التعليقات مغلقة.