البريستيج الاجتماعي وتصادمه مع المستقبلي الوظيفي ، حالة اعيشها .

على اني ” كان ” مالي خلق ادون بسبب ظروف قبول الجامعه الا ان تعليق احد الاخوان دفعني للكتابة عن الموضوع . في الحقيقة انا قبلت في الكلية التقنية بالاحساء وكان هدفي قسم الحاسب بفروعه ، لكن للاسف قبلت في قسم ” مركبات ” وهي تاتي من مركبة اي سيارة وليست كما يقول الكثير مركبات اللتي تاتي في مركبات كيميائية 1!!11! . طبعا اغلب من في القسم يرغب بالهروب ( الى قسم حاسب على فكرة ! ) . طبعا اشياء بديهية اللي تنفر من قسم ميكانيكا السيارات : زيت وشحوم ، قطع غيار ، بدلة زرقاء ، نهايتك ورشة !!! اما قسم حاسب : مهندس شبكات ، مبرمج ، مهندس قطع حاسب . لاحظتوا كيف النظرة ؟ احكم على نفسك بكيف رؤيتك للامور وكيف رؤية المجتمع لها .

ثاني محاضرة لي كانت هنا
ثاني محاضرة لي كانت هنا

اغلب الطاقم الاداري عارفين هذا الشي لذلك حاولوا يقنعونا بأن اللي نحن فيه افضل ، ما اكذب عليكم اني استغربت من نفسي ” لاني اقتنعت ” !! قالوا كلام جدا جدا مقنع يتعلق بالمستقبل الوظيفي . لدرجة اني افكر باني اوقف ” الواسطات ” الشغالة على نقلي لقسم الحاسب . الواسطات عادة ااجتماعية سيئة واعترف بهالشي لكن ايش اقول.

عميد الكلية الدكتور عبدالله الملحم في لقائه معنا
عميد الكلية الدكتور عبدالله الملحم في لقائه معنا

تقبلي للفكرة جعلني وبشكل مفاجئ جدا في حالة اخرى ، الان تاكدت بان من راضي واقتنع بما هو يرتاح جدا . لكن حتى الان في حيرة ، انقل لو حصل ان اضل ؟ الوضع بدا يعجبني كثير وتخوفاتي بدات تزول بمقابلة بعض الاساتذة اللي طلعوا ” Cooooool ” !!في الحقيقة ، تحمست لدرجة اني قلت يمكن افتح قسم خاص في المدونة يهتم بامور تقنية السيارات !

ملاحظة : ماعمري اهتممت ( مثل كثير من الشباب ) بالسيارات و موديلاتها و تزويداتها …الخ ، فقدت صداقات بسبب هذا الشي ! بعكس اهتمامي بتعلم لغات الكمبيور وصيانته وبرمجته .

من تأليف Abdulrahman

Part time blogger, full time Team manager.

11 تعليقات

  1. استخر ،، ثم استخر ،، ثم استخر : ) ،،
    واترك كلام الناس وهالخرابيط كلها ،، الناس مب دارسين مكانك ،، انت الي بتدرس ،، شف الي ترتاح له بصدق بعد استخارتك أكثر من مرة وتوكل على الله ،، إذا الي بتروح له فيه خير ولا بيصرفك ربي عنه ،،

    بالتوفيق 🙂 ،،

    إعجاب

  2. موب مهم كلام الناس المهم الشغل يكون راتبه حلو (B

    على طاري قسم المكانيكيا تطبقون عملي ؟

    وهل هو أفضل في نظرك من قسم الحاسب ؟

    وبعدين عبد الرحمن

    احمد ربك غيرك مادخل الجامعه اساسا 🙂

    إعجاب

  3. كلام عبدالمجيد صحيح، بالنهاية هذي دراستك (انت) ووظيفتك (انت) وحياتك (انت)، (انت) تقرر اللي فيه مصلحتك ولا تعطي فرصة لأحد إنه يهز ثقتك بنفسك تجاه الشي اللي اخترته. أول ما دخلت تخصصي ما كنت أحبه وكنت خايف من مستقبلي المهني لكن سبحان الله الكره هذا تغير 180 درجة وصرت أهتم بأي شي يخص البترول.

    مافيها شي لو غيرت التخصص (لأنك تحب الكمبيوتر مثلا) لكن لا تخلي سبب التغيير هو رأي الناس فيك. الكلام ببلاش والناس ما عندها غير الكلام الفاضي 😉

    موفق.

    إعجاب

  4. Dro : اقصد انك عرفت مشكلتي من دون ما اقول لك !

    عبدالمجيد : الله المستعان ، الغريب اني ارتحت في ميكانيكا سيارات !

    Hdna : بالتأكيد يوجد تطبيق عملي ، بالنسبة ماهو القسم الافضل ،،،، انا محتار ايضا !

    محمد : صدقت ، بس الان اللي بدأ يقلقني هو المستقبل الوظيفي ، ايش هي اللي مستقبلها افضل ؟؟

    إعجاب

  5. شخصيا ما أقدر أفيدك لأني ما أعرف أحد من ربعي بتخصص ميكانيكا سيارات، لكن أنصحك تسأل العمادة عندكم عن المستقبل الوظيفي للتخصص وكيف هي فرص العمل ونسب توافرها للشخص.

    إعجاب

  6. غريبه طريقتهم مفروض يخلون كل واحد يدخل التخصص الي يحبة عشان يبدع فية عموما ممكن تشوف لكن جامعة فيها تخصص حاسب و ترى بالنسبة لتقنية كل التخصصات طيبة بالعكس المركبات قسم ممتاز افضل من غيره بكثير عموما انت اسأل الموجه الاكاديمي والعميد عن الفرص الوظيفية طريقتها ..وشد الهمه ترى انا كنت مثلك كنت ابغى تخصص في الجامعة لكن الله ما راد وما انقبلت في التخصص الي ابغاه لكن انقبلت في تخصص ثاني والحمد لله متخرج بنسبه جيدة جدا ومرتاح نفسياً..

    إعجاب

  7. محمد : امممم ، في الحقيقة اتحرج من السؤال في الكلية ، حتى الان ضايع و مو عارف وين الاماكن …الخ . وحسب المعلمين وضحوا لنا بأن خريجي الحاسب وظائفهم شغلت بسبب كثرة الخريجين والذين سيتخرجون .

    حسن : اهلا وسهلا ، طبعا التوزيع للاسف جعلوه على حسب النسب ، فلو امتلأ القسم الفلاني ستوجه لقسم اخر حتى لو انت غير مسجلل فيه . وبأذن الله راح احاول ازيد من جهدي .

    إعجاب

  8. الحمد لله ان امورك تيسرت .. ورب ضارة نافعه .

    اذا انت اقتنعت من قلب فهذا راح يكون دافع لك في الابداع فيه ، اما اذا اقتعنت فقط لتقنع نفسك بعدم التفكير بغير هذا التخصص فراح تتعب كثير .

    واحد من ابناء عمي ، اعتقد انه دخل نفس التخصص ، والان موظف في المطافي .. يشتغل صيانه وتصليح لسيارتهم ، بس ماشاء الله جدا مبسوط ومرتاح .

    وغير انه تقدر تسوي لك مشروعك الخاص بعيد عن هم الوظيفه وقلقها .

    عموما استخر ، وان شاء الله توفق لكل خير

    إعجاب

التعليقات مغلقة.