للفائدة سأطرح رأيي بأستضافه توب لاين العربيه . تقريبا اشترك معهم لمدة 56 يوم وقبل مدة بسيطة انهيت اشتراكي معهم وانتقلت الى مستضيف اخر ، يميز توب لاين انها شركة موثوقة ، تحمل سجل تجاري مرخص و لديهم مكتب خاص وطاقم عمل رسمي ، يعني لا تخاف من ضياع حقك او تجاهل او نصب ونحوه . ايضا ما يميزها هي خدمة العملاء الرائعه ، استجابة سريعة و تواصل ممتاز سواءا عن طريق التذاكر او عن طريق الهاتف ، عند تأكيدهم للمعلومات اتصلوا علي شخصيا و بدأت معهم بترتيب الامور و كانت المعاملة روعة ، 10 \ 10 في خدمة العملاء و الموثوقية .
ايضا يميزها ما تقدمه لعملائها من تسهيلات في تركيب المنتديات و اضافة الهاكات ونحوه ، لن اتعمق كثيرا في هذه الاشياء بسبب اني لم اجربها لكن تقديمها لهذه الخدمات يميزها . ازعجني عدم تقديمهم خدمة تركيب مدونات ووردبريس . عمل الموقع مضمون بشكل كبير ، للاسف الموقع لن يعمل الموقع مباشر ، لازم في كل مرة تعمل ريفريش لمرة واحدة ليعمل ، استغربت حدوث هذا الشي علما بان اغلب زواري قالوا بان هذا الشيء لا يحدث لهم ( احدهم قال بانه هذا الشي يحدث معه ) 7 / 10 في ضمان عمل موقعك .
نأتي للمهم ،،، الاسعار ، للأسف اسعار الخطط مبالغ فيها بشكل كبير ، نعم اقدر فيكم خدمة العملاء الرائعه لكن مو معقولة مساحة 100 ميجا و بندويث 5000 وبدون ذكر المحدودية الغير معقولة في قواعد البيانات وحسابات الـFtp ونحوه وكل هذا بـ350 ريال بالسنة !! يبدو انهم لا يعلمون عن الاستضافات الاجنبية وماتقدمه، انتقلت لاستضافه اخرى تقدم لي مساحة اكبر بـ400 مرة ( لا ابالغ ) و باندويث اكبر برقم الله اعلم به ( الاستضافه الجديدة : 300 الف ميجا ، وتوب لاين 500 فقط ) بـ300 ريال فقط ! فرق كبير جدا ، 1 / 10 في اسعار الخطط .
نصيحتي :
ابتعد عن هذه الاستضافه الا اذا كنت مبتدأ ، فخدمة العملاء المتميزة ستاعدك كثير في تخطي بعض المصاعب لكن لاحقا ستتضجر من غلاء الاسعار المبالغ به . التقييم العام 4 / 10 .
Cup of Latte | كوب لاتيه 
السلام عليكم
هذا موقع يمكن يعجبك للأستضافه رخيص جدا وبستضيف فيه انا بعد اقل من اسبوع :
http://www.orioncities.com/arabic/
بعد ما اجربه ابقولك مميزاته ولو اني متوقع انه مضبوط 100% ان شاء الله
والله يوفقك في استضافتك الجديده ولو اني ما انصحك بالاستضافات العربيه .
إعجابإعجاب
اهلا اخ نايف ، التدوينة كتبت في العام الماضي فا ممكن الوضع تغير ، وحسب ماراه منك فانه تغير للاسوء ، شي مؤسف .
إعجابإعجاب
تبي أعور قلبك 😦 ؟؟ ادخل هالموقع http://www.servage.com
أنا شلت يدي من الاستضافات العربية من زمان ،، الحين بهالموقع الي عطيتك يمديك تسوي انت استضافة 😀 ،،
إعجابإعجاب
GARY : يا هلا ومرحبا ، الاستضافه اللي اعطيتني اياها جيده ، لكن المشكلة في تحويل المال ، شكلها صعبه ، ياليت تقول ايش هو المشروع اللي في بالك 🙂 ؟ ( موقع – منتدى -مدونة – شي جديد كليا ؟ ) .
مجودي : ايييييييه ايش نقول يارجل ، اعرف هذه الاستضافه ، حجم هائل وسعر رخيص … لكني شخصيا من المدافعين عن الاستضافات العربية [ حتى الان ] . لان مو فقط السعر ما يميز استضافه عن اخرى . عندك تحويل الفلوس ، التواصل ، اشياء مهمة .
إعجابإعجاب
اهلين عبدالرحمن ..والله عندي مشروع منتدى بوكي عربي >>>الاخو بوكيمون فانز بقوه :p
بس سالفه تحويل الفلوس سهله حيل شنو الصعب الي فيها ؟ …اتوقع انت عمرك فوق 18 يعني روح لأي صراف عنده خدمه تحويل ويسترون وعطه معلومات الي يعطونك اياها واخذ رقم الحواله ومعلوماتها من نفس الصراف وعطها الموقع نفسه وبس.
بس الاستضافات العربيه …ممممم يعني تفتح موقع بحجم 500 جيجا بسعر بسيط جدا 25 دينار يعني سعر لعبه اكس بوكس او ادفع لي 30 او 40 دينار على اقل من 1 جيجا @@ …صعبه صراحه المقارنه.
إعجابإعجاب
منتدى ؟ جميل ، اتمنى تكون عندك خطه شامله للمنتدى وكيف بيكون مظهره ويكون عندك فريق من المحررين يساعدونك و افكار تتميز بها عن غيرك ، لان المنتديات كثر الرمل والشخص هذه الايام لازم يكون عنده شي مميز .
وهنا راح اذكرك بحاجة ، المنتديات خصوصا تحتاج الى دعم فني متواصل ، ولازم تكون فاهم وعارف ايش يصير وكيف تتفاهم ، خصوصا مع الهاكات والستايلات …الخ ، فلو مع استضافه اجنبية راح ” تتوهق ” شوي . .
إعجابإعجاب
طبعا اخ عبدالرحمن ..معاي جم اداري شغالين فوق التمام بسوالف الهاكات والمشاكل هذي وفنانين طبعا .
اما عن الستايل الحمد لله واحد من ربعي اعرفه شغال سارله مده طويله في مجال تصميم الستايلات صمملي واحد احترافي على شعار الموقع الي هو احد البوكيمونات الاسطوريه .
اما عن عدد من الكتاب فأنا ما شاء الله في مجال البوكي اعرف ناس يعني شكثر وعندي حاليا ما يقل عن 10 اعضاء كتاب كبدايه غير الاداريين الي معاي .
طبعا الي يميز هذا المنتدى عن غيره من كل المنتديات الكثيره هو انه اول منتدى بوكيمون عربي مخصص 100% للبوكيمون وعشاق اللعبه والانيمي …حاليا الكتاب الحمد لله يعني جمعت عدد كبير لكن عدد فريق ترجمه الانيمي قليل نوعا ما بس ان شاء الله يتطور ويزيد عددهم مع الوقت …وانا بحاول كثر ما اقدر اخلي المنتدى شغال بالمواضيع والاخبار وغيرها ….وان شاء الله ينجح المنتدى وبعده نبدا نشتغل بالموقع واتوقع بتكون بدايتنا نفس بدايتك نضام blogs 🙂 .
وشكرا مره اخرى عبد الرحمن >>>>سؤال بس سارله ساعه يفر بمخي انت the shadow :p ?
إعجابإعجاب
جميل جدا انك وضعت اساس قوي في البداية يشد معك لقوة المنتدى واحييك على هالشيء . بالنسبة لافتتاحكم لموقع فنظام مدونات ووردبريس راح يمشي الوضع وزيادة بس يبقي لك تدور تصميم احترافي وتعربه . الله يوفقك ويسهل لك و بأذن الله التوفيق في المنتدى .
And Yep Thts Me Shadow ، اصلا انا في كل منتدى اسجل فيه يكون اسمي شادو خخخخ .
إعجابإعجاب
اها توقعتك ذا شادوا :p
وشكرا لك مره اخرى 🙂 ..ان شاء الله نلقا لنا واحد مناسب ونعربه 🙂
إعجابإعجاب
اشكرك اخوي على المعلومات
لكن شكل معولماتك قديمه
توب لاين الآن في اسوأ حالاتها وصار كل اللي فيها مصريين وهات يانصب على خلق الله
والحمايه عندهم خرطي وكل شوي طالع لك واحد يقول ادفع ونسوي لك حمايه
ماانصح فيها بتاتاً انا ماارتحت الا يوم طلعت منهم
هذا رأي
وآخر دعوانا ان الحمدلله رب العالمين
إعجابإعجاب
الدعم الفني سيء جداً جداً
إعجابإعجاب
حقيقة استضافة توب لاين من افضل الاستضافات الي مرت علي خدمة ودعم ممتاز ورائع جدا
الاسعار تخقضت قليلا من كم يوم لكن حقيقة ارتاح بالي جدا بعدما نقلت لهم
إعجابإعجاب
توب لاين لي معهم اكثر من 5 سنوات وحقيقة لم اجد افضل منهم حتى الان من حيث المصداقية والدعم وسرعة السيرفرات وانصح بالتعامل معهم وبشدة
إعجابإعجاب